Horarios XA CONFIRMADOS dos partidos da seguinte xornada

O sábado 22 teremos en Sobrado os amantes do deporte un maratón de encontros onde poder disfrutar do fútbol e do fútbol sá grazas a que Lubre C.F. en categoría xuvenil e A.C.D. Poulo en categoría senior aceptaron adiantar os encontros ante a petición do C.A.S.X. debido a cea de Nadal que se celebrará esa mesma noite.Non haberá descanso de un partido a outro, comezarán os xuvenís as 15:00 horas e rematará o equipo feminino o redor das 20:00 horas, polo tanto a quen lle guste o deporte nesta zona se o sábado se achega a Sobrado seguro que non se vai aburrir. Dicir que as categorías inferiores non teñen xornada nesta fin de semana. Polo tanto estes son os horarios:

FÚTBOL: 2ª AUTONÓMICA XUVENIL GRUPO II

C.A.S.X. - Lubre F.C. 22/12/2007, 15:00h Campo Municipal de Sobrado

FÚTBOL: 3ª AUTONÓMICA SENIOR GRUPO IV

C.A.S.X. - A.C.D. Poulo 22/12/2007, 17:00h Campo Municipal de Sobrado

FÚTBOL SÁ: PROVINCIAL FEMININA

C.A.S.X. - Mesón Río Ulla "B" 22/12/2007, 19:00h Pavillón Municipal de Sobrado


ESTA É A ULTIMA XORNADA ANTES DO PARÓN DE NADAL, SORTE A TODAS AS CATEGORÍAS E DESEXAR QUE O 2008 TRAIA GRANDES EXITOS DEPORTIVOS.

FORZA C.A.S.X.

Xornada case completa de victorias

En termos xerais hai que destacar a gran xornada que tivo o noso clube esta fin de semana: 5 victorias e 1 derrota. As victorias corresponderons os equipos Benxamín, Alevín e Infantil de Fútbol Sala, o equipo Xuvenil de Fútbol e o equipo feminino de Fútbol Sala. A derrota correspondeulle o equipo senior de fútbol.

Estes foron os resultados das categorías inferiores de fútbol sala:

BENXAMÍN: C.A.S.X. 8 - Concello de Aranga 5

ALEVÍN: C.A.S.X. 8 - Concello de Aranga 0

INFANTIL: C.A.S.X. 3 - Concello de Aranga 0

Fútbol 2ª Autonómica Xuvenil Grupo II:

C.A.S.X. 4 - U.D. Larín 2

Nova victoria e nova goleada do equipo xuvenil de fútbol que está firmando un gran primeiro tercio de competición. O equipo parece que lle colleu o pulso a competición en poucas xornadas e por terceira semana consecutiva acada unha goleada.
O sábado o Club Atlético Sobrado foi moi superior sobor de todo na primeira metade que puido rematar con un resultado de auténtico escándalo.
Adiantouse o Larín 0-1 nun centro-chut (máis ben centro que chut) que se envelenou e foi acabar na rede da portería defendida por Andrés e que foi o único lanzamento a portería dos locais na primeira metade.
Máis tarde chegaría a lesión de Fran que se mancou intentando chutar a portería e sufriu un pinchazo na cadera. Hoxe determinaraselle na Mutua de Futbolistas que tipo de lesión padece.
No minuto 18 ía empatar Pablo de maxistral lanzamento de falta. Logo o C.A.S.X. tivo varias ocasións claras de gol, a máis claro nunha excelente xogada persoal de Mario "Palermo" que saiu rozando o pao. No minuto 44 ía acadar o 2-1 Mario "Palermo" nun man a man co porteiro que o dianteiro centro marelo non perdoou.
Co resultado de 2-1 chegouse o descanso.
Na metade da segunda metade logo de varias oportunidades locais chegaría o 3-1 obra de Diego Amil de un excelente zurdazo dentro da área.
O Larín marcaría o 3-2 con un golazo de medio campo poñendo a zozobra no Municipal sobradés a 10 minutos do final. Logo o Larín tivo 2 claras oportunidades de marcar o empate pero sería Pablo nunha xogada persoal levándose dende a banda a todo rival que lle saía o paso o que marcaría o 4-2 poñendo a tranquilidade no marcador no minuto 91. Para a seguinte semana o C.A.S.X. voltara a xogar na casa fronte o Lubre C.F. (horario sen confirmar).

Fútbol Sala Provincial Feminino:

Amarelle Sal Lence "B" 1 - C.A.S.X. 4

O equipo que adestra Hassan está lanzado este ano e estase a amosar coma un dos equipos punteiros da liga. Esta situado a 6 puntos das líderes, é dicir, do ascenso. A calidade humana que desprende este plantel amosase día a día e as cousas ben feitas a largo plazo acaban dando resultado. Tiña un difícil desplazamento a Santa Comba o equipo laranxa pero fronte o filial do Sal Lence pero solventouno sen problemas con un claro 1-4.
Abriría o marcador Tamara Sandá que tamén sería autora do 0-2 polo que acada un doblete por segunda semana consecutiva.Con ese resultado chegouse o descanso. O 0-3 sería obra de Sandra un gol que deixaba case sentenciado o partido. Reduciría distancias o equipo coruñés afincado en Santa Comba pero María voltaría a dar tranquilidade no marcador acudindo a súa cita semanal co gol e pechando a conta co 1-4 final, sen lugar a dúbidas un excelente resultado das xogadoras do Atlético Sobrado.
A xornada seguinte o equipo feminino xogará na Pavillón Municipal de Sobrado o sábado 22 de decembro (día da Lotería) a partires das 19:00 horas fronte o Mesón Río Ulla "B".

Fútbol Senior 3ª Autonómica Grupo IV

Oza dos Ríos C.F. 4 - C.A.S.X. 1

Quen vexa o resultado pensará o a "Makina Amarilla2 sufriu unha gran paliza contra un dos equipos que está na zona da baixa da taboa coma nos pero a realidade é a seguinte: o C.A.S.X. tirou 5 veces o pao e fallou un penalti. Está claro que cando o balón non quere entrar e a sorte che da a espalda non hai nada que facer. Fai un par de anos tiñamos a sorte de cara e xogando moito peor que o domingo gañabamos partido marcando ata co "cú" (falando mal e pronto).
Adiantouse no marcador o C.A.S.X. con un excelente lanzamento de falta de Chinorris que puxo o 0-1 no partido xogado no Campo Municipal de Curtis. Logo empataría o Oza e 2 minutos máis tarde faría o 2-1. Cando xa picaba o descanso o Oza faría o 3-1.
Na segunda metade un rosario de mala sorte: penalti o pao de Chinorris, tiros o pao de Esteban, de Josito, de Chinorris..., e o Oza marcaría o 4º da tarde que pechaba a goleada. De todos os xeitos dicirlle o equipo que non se desanime pois se xoga como o fixeron o outro día os resultados chegarán e a pesares dos inconvintes que estamos a ter este ano (lesión tras lesión) a sorte cambiará e aparecerán os triunfos. Aínda queda moita tempada para poder endereitala, ánimo.
O seguinte partido será fronte o A.C.D. Poulo (horario e data sen confirmar)

SORTE A TODAS AS CATEGORÍAS PARA OS VINDEIROS ENCONTROS

FORZA C.A.S.X.

Xa está a venda a Lotería de Reis

Dende onte xa está a venda o número que xogará o Club Atlético Sobrado Xuventude no Sorteo Extraordinario de Reis que se celebrará o 6 de Xaneiro de 2008 (día de Reis).

Os que desexedes mercar a Lotería do C.A.S.X. poderédela adquirir nos seguintes establecementos de Sobrado: Cafetería Ramiro, Cafetería Lecer, Café Bar Tato, Restaurante Real, Panadería Vázquez, Casa de Costura Maricarmen e Casa Gerardo (no Mesón de Folgoso) ou ben solicitarlla a calqueira dos membros da Directiva do Club Atlético Sobrado Xuventude.

A Lotería véndese na modalidade de décimo e o prezo é de 20 € + 3 € de donativo.

Por outra banda informarvos que queda moi pouca lotería de nadal do número 02345 (as participacións xa se acabaron e queda 1 serie e media de décimos) para os que a queirades a aínda non a teñades.

QUE A SORTE VOS ACOMPAÑE

IMPORTANTE: CAMBIOS NO PARTIDO CO OZA C.F.

Hai cambios significativos con respecto o partido que van disputar o Oza dos Ríos C.F. e o Club Atlético Sobrado Xuventude na categoría senior de 3ª Autonómica Grupo IV.

Debido a que o Oza está a arreglar o seu terreo de xogo viña xogando os seus partidos os sábados as 19:30 horas no Mundo do Fútbol de Abegondo (a cidade deportiva do Real Club Deportivo de A Coruña).

Pois ben, haberá cambios de última hora e o presidente do Oza informounos hoxe mediante conversación telefónica así coma tamén o Comité Técnico de Arbitros Galegos vía fax que o partido terá lugar o vindeiro domingo 16 de decembro as 16:00 horas no Campo de Fútbol Municipal de Curtis, así pois toda a información de este partido dada anteriormente queda anulada.

Firmado, a Directiva.

2 Victorias, 1 Derrota

2 Victorias e 1 derrota é a bagaxe de esta fin de semana das categorías federadas do Club Atlético Sobrado Xuventude. Na tarde do sábado o equipo de fútbol xuvenil impoñíase a domicilio o San Martiño por un contundente 0-4. A categoría feminina de fútbol sala non ía ser menos e impuxose no Pavillón Municipal de Sobrado a Hamburguesería Fame Negra por un claro 5-1. O equipo senior de fútbol non correu a mesma sorte na tarde do domingo e perdeu no derbi fronte o Toques por un axustado 0-1.

Fútbol Sala Provincial Feminina

C.A.S.X 5 - Hamb. Fame Negra 1

Victoria clara do equipo de Sobrado fronte a un rival de metade de taboa. A humidade que había no chan do Pavillón evitou que a goleada fose moito máis abultada. Axiña se había de poñer por diante o equipo de Hassan, concretamente no minuto 2 logo dunha excelente xogada de todo o equipo sería a pichichi María quen inaugurase o marcador.

No minuto 6 Luci facía o 2-0. Tras o saque de gol o equipo da Coruña marcaría o 2-1 con un punteirazo de medio campo que lle resbalou a Laura das mans. A pesar de ese pequeno erro a porteiraza de Boimorto cuallou un gran encontro.

O 3-1 e o 4-1 serían obra de Tamara Sandá que unha vez máis amosou a súa calidade e fixo levantar os aplausos do público que se dou cita no Pavillón Municipal de Sobrado. Pecharía a conta Tamara Fandiño con un bo gol escorada o lado esquerdo da portería visitante. O equipo segue quinto empatado co 4º clasificado e a 6 puntos do líder. Sen lugar a dúbidas este equipo está a brindarnos unha excelente campaña.

2ª Autonómica Xuvenil Grupo II

San Martiño C.F. 0 - C.A.S.X 4

Non pasou apuros o equipo marelo na súa visita o campo do colista San Martiño. O equipo que o sábado adestrou o tándem Esteban-Pazitos voltou a golear por segunda semana consecutiva a pesares de non contar con Pablo, Iván, Souto nin Carlos.

O equipo tivo infinidade de ocasións que na primeira parte non foi quen de aproveitar polo que se chegaría o descanso con un sorprendente 0-0. Na segunda metade por fin o equipo xuvenil abriría a lata polo que Diego Fragío faría o 1-0 e 2-0. O 3-0 sería un golazo obra de Miguel (o lateral dereito marca por segunda semana consecutiva) e pecharía a goleada o dianteiro Mario que non fallou na súa cita co gol.

Noraboa rapaces, para ser o primeiro ano vésevos con moitas gañas e empeño. Seguide así.

3ª Autonómica Senior Grupo IV

C.A.S.X. 0 - Toques C.F. 1

Un C.A.S.X. plagado de baixas non foi quen de poderse levar o derbi fronte o Toques. O cadro de baixas que presentou o equipo marelo foi o seguinte: Pirulo, Juan, Souto, Manu, Chino, Lofre, Simón e Cuco. Moitos deles titulares na gran maioría dos partidos de este ano. O equipo só puido presentar 12 xogadores o encontro (2 deles xuvenís) e notouno físicamente. A primeira parte foi bastante igualada e case non houbo chegadas a portería por ningún dos dous bandos, a ocasión máis clara tivoa o noso equipo con un penalti a favor tras unha man de un defensa do Toques dentro da área que se encargou de lanzar Nacho pero o porteiro toquense atinou ben para que lado ía o lanzamento despexando o balón.

Na segunda metade o Toques tivo máis posesión de balón pero tampouco creou excesivas oportunidades de gol. O Atlético Sobrado cometeu excesivas faltas nos laterais e o Toques colgaba balóns a área pero a defensa sobradesa encargábase ben de despexalos. O gol chegou nunha perda de balón de Roi en medio campo, o Toques crea unha contra e cando Bareto está chegando a área o xuvenil Iván derrubao o preto do pico esquerdo da área. A falta encargouse de tirala o propio Bareto que con fortuna marcou o gol logo de pegar na barreira e desviar totalmente a traxectoria do balón que entrou pegado o pao dereito da portería de Tino. Faltaban 12 minutos para o final.

O C.A.S.X. tras ese gol espabilou e comezou a atacar máis incisivamente. Iván nun lanzamento coa súa perna zurda puxo en apretos o Toques, o balón botou na área pequena e o porteiro visitante resbaloulle o balón das mans tendo a fortuna de que o balón se foi a córner en lugar de entrar na portería.

Iván voltaría a lanzar un tiro dende fora da área que o porteiro do Toques atallou ben. A última oportunidade tivoa Nacho nun lanzamento de falta no que o porteiro visitante fixo unha excelente intervención atallando o lanzamento coas duas mans. Ahí se acabou o partido.

Encontros da seguinte semana:

2ª Autonómica Xuvenil Grupo II

C.A.S.X. - C.D. Larín 15/12/2007 Municipal de Sobrado 16:00

3ª Autonómica Senior Grupo IV

Oza dos Ríos C.F. - C.A.S.X. 15/12/2007 El Mundo del Fútbol 19:30

Fútbol Sala Provincial Feminina

Sal Lence Amarelle "B" - C.A.S.X. 15/12/2007 M. Santa Comba 20:00

SORTE A TODAS AS CATEGORÍAS

02345

Recordade 02345 é o número de Lotería de Nadal que xoga o Club Atlético Sobrado Xuventude. Faltan poucos días para o sorteo, non vos quededes sen o voso décimo ou participación. Dende o C.A.S.X. recordámosvos que os prezos son os seguintes:

Participación: 4 € + 1 € (recargo)
Décimo: 20 € + 3 € (recargo)

A SORTE PODE ESTAR NAS TÚAS MANS, MERCA LOTERÍA DE NADAL DO CLUB ATLÉTICO SOBRADO XUVENTUDE E SAIRÁS GAÑANDO.

Vindeiros Encontros

Estes son os partidos que disputarán as nosas categorías este fin de semana:

- Fútbol Sala Provincial Feminino:

(08/12/2007)C.A.S.X. - Hamburguesería Fame Negra 19:00 horas/Pavillón Munic. de Sobrado

- Fútbol Xuvenil 2ª Autonómica Grupo II:

(08/12/2007) San Martiño - C.A.S.X. 16:00 horas/Campo de Fútbol de O Outeiro (Cerceda)

- Fútbol Senior 3ª Autonómica Grupo IV:

(09/12/2007) C.A.S.X. - C.F. Toques 16:00 horas/Campo de Fútbol Municipal de Sobrado

SORTE A TODAS AS CATEGORÍAS

FORZA C.A.S.X.

Logo conmemorativo 10º Aniversario

No pasado mes de outubro o Club Atlético Sobrado Xuventude ven de cumplir 10 anos de existencia.

Para conmemorar esta DÉCADA de andanzas deportivas o noso Presidente Juan González "Karnotxo" creou este magnífico logo.

Faranse camisetas onde este símbolo estará presente e todos os que as queirades adquirir non tedes máis que solicitarllo a calqueira dos membros da Xunta Directiva do Clube.

GRAZAS A TOD@S @S QUE FACEDES POSIBLE A EXISTENCIA DE ESTE CLUBE.

FORZA C.A.S.X.

Unha de cal e unha de area

Club Atlético Sobrado Xuventude 5 - Atlético San Pedro 2

O equipo adestrado por Hassan amosou un sábado máis que a pesar de ser o primeiro ano que está federado na competición é un oso duro de roer.

No último partido disputado golearon o Atlético San Pedro polo contundente marcador de 5-2, o equipo formouno: Andrés, Miguel, David, Ruchi, Metzelder, Anxo, Javi, Pedro, Fran, Ferreiro e Diego Amil, como suplentes atopábanse Carlos (ps), Fragío, Jorge e Barrio.

Axiña iba a encarrilar o encontro o equipo marelo pois os 9 minutos logo dunha boa deixada de cabeza de Javi, Diego Amil encontrase man a man co porteiro visitante e Diego con sangre frío non perdoa. 2 minutos máis tarde sería Ferreiro o que cun disparo cruzado faría o 2º da tarde. Con este resultado chegouse o descanso. Na primeira xogada da segunda metade o Atlético San Pedro recurtaría diferencias collendo os nosos xogadores algo fríos. Pero Fran puxo a calma momentánea no marcador marcando o 3-1. Voltarían a recurtar diferencias o equipo visitante e outra vez zozobra no Municipal de Sobrado. Pero o lateral Miguel puxo as cousas no seu lugar establecendo o 4-2. O peche a goleada faría o central Metzelder de fenomenal xogada individual.

Para a vindeira xornada o C.A.S.X. visita o colista San Martiño, agardemos unha nova victoria de este equipo que está facendo unha campaña excepcional.

CIRE Melide 3 - Club Atlético Sobrado Xuventude 1

Enfrontaba un difícil encontro fronte o líder a Makina Amarilla e ademáis con importantes e inxustas baixas: as de Esteban, Pirulo e Juan debido o esperpento de arbitraxe que o C.A.S.X. sufriu a semana pasada no seu partido fronte o Visantoña. Seguramente a peor arbitraxe dende que o C.A.S.X. existe dende que hai 10 anos se fundara.

O C.A.S.X. formou con Tino, Roi, Carlos, Iago, Guille, Josito, Manu, Simón, Jacobo, Nacho e Pablo, como suplentes agardaban a súa oportunidade Carlos (ps) e Chinorris.

Debo dicir que houbo unha parte para cada equipo. Na primeira o CIRE foi moi superior o C.A.S.X. amosando porqué está de inconstestable líder que ademáis non parece que se vaia apear de esa posición ata que acabe a tempada.

De tódolos xeitos nada máis comezar o partido o C.A.S.X. golpeou primeiro e nunha excelente xogada e posterior centro de un incisivo Jacobo, domingo reconvertido en interior esquerdo rematouno Pablo (xuvenil que debutaba co primeiro equipo e que se lle viron moi boas maneiras) de cabeza e o seu remate foise arriba da portería defendida por Perilla por pouco.

Os 5 minutos primeiro mazazo, internase o dianteiro centro do CIRE Mark na área e Iago comete un claro derribo, penalty e cartón marelo que ven puido ser vermello pero o colexiado non quixo estropear o partido. O penalty lanzouno de xeito maxistral Jechu e aínda que Tino chegou a tocar o balón este rematou no fondo da rede de xeito imparable, 1-0.

No minuto 17 outro penalty: este de Roi sobre o propio Jechu, lanzou outra vez o xogador melidán pero Tino nunha gran estirada mandou o balón a córner (que ben se lle dan os penaltis a Tino). Unha vez máis as lesións voltaron a visitar o C.A.S.X. e desta vez foi Simón o que fixo unha forte escordadura de nocello, foi sustituido por Chinorris, pasando un renqueante Manu como interior dereito e Chinorris formando parella de medio centro con Josito.

O CIRE seguía dominando pero sen crear excesivo perigo ata que pasados 2 minutos dos 45 regulamentarios da primeira metade un balón que sobrepasa Roi, Jechu fai un control e chuta coa súa perna dereita batindo por 2ª vez a meta do equipo marelo. Nada máis sacar de centro o colexiado decretou o descanso.

Na segunda metade o C.A.S.X. saiu con ánimos renovados e foise máis cara arriba, con un bo partido de Manu e Jacobo nas bandas, Nacho e Pablo deixandose caer os lados e vindo a recibir, un Chinorris que se gustou no medio campo e fixo un dos mellores partidos que recordo, Josito sendo o xefe do medio campo recuperando balóns, Roi e Carlos subindo pola banda con perigo, Iago e Guille moi seguros como centrais non deixando mover o Cire en ataque e Tino moi atento e facendo longos saques de portería que creaban perigo no equipo rival.

Como a mala sorte nunha ben sola nun lance fortuito dun centro de Jechu o balón pégalle a Roi, elévase e entra pola escadra de Tino supoñendo o 3-0, nese momento a xente que estaba o noso lado na grada decía que era totalmente inxusto pois o CIRE non fixera méritos para ir gañando por ese resultado tan abultado.

Hai que destacar a entrega de todo o equipo pois lonxe de virse abaixo tras o terceiro gol do líder seguiuno intentando. Voltou a mala sorte pois nunha excelente vaselina de Jacobo dende o pico da área rozouno o porteiro local Perilla cando xa parecía que entraba o tiro pega no pao e caelle a Armando, o central do Cire despexou de forte volea.

Seguíao intentando o C.A.S.X. cun lanzamento lonxano de Chinorris que se lle foi un pouco por enriba, un tiro de Nacho e outro de Josito.

Nunha internada de Manu por banda dereita (hai que sacarse o sombreiro do partido que fixo a pesares dos seus problemas de pube) é derribado dentro da área e o colexiado pita penalty. A pena máxima transformaría Nacho con moita sangue fría e sin carreiriña.

Acabou o partido cun corner a favor noso cun lanzamento de cabeza que se foi fora.

Para a semana o C.A.S.X. disputará outro derbi fronte o Toques a partires das 16:00 horas no Municipal de Sobrado. O equipo recupera a Esteban e perde a Simón e Manu por lesión e a Juan por asuntos propios.

FORZA C.A.S.X.