Malos resultados pero boa imaxe

Non acompañaron os resultados na pasada xornada o Club Atlético Sobrado nas diferentes categorías pero a pesares das derrotas pódense quitar lecturas positivas de estas:

2ª Autonómica Xuvenil Grupo II

Atl. Sobrado 1 - Brexo Lema "B" 3

Debutou con derrota o equipo xuvenil fronte un Brexo Lema que se lle notou máis rodado ca o equipo marelo. Comezou gañando o Brexo Lema nunha indecisión defensiva pero axiña empataría o C.A.S.X. no minuto 25, nunha falta quitada desde campo propio por Miguel Combo e perfectamente rematada por Alberto Márquez.
Na segunda metade o Brexo Lema sentenciaría o entontro con dous goles cando o noso equipo estaba con 10 xogadores momentaneamente pois Miguel Combo estaba sendo atendido na banda. De todos modos este equipo ten moita marxe de mellora e un plantel amplío que vai permitir a Pirri rotar os xogadores, algo moi importante ó longo da Liga. Nesta xornada o equipo xuvenil viaxará a Boimorto para enfrontarse mañá sábado a partires das 16.00 horas ó equipo local no campo de O Carballal.

Liga Provincial Feminina Fútbol Sala

Atl. Sobrado 0 - Mabegondo 1

O equipo de Hassan perdeu no seu primeiro partido na casa por un resultado atípico para fútbol sala: 0-1, estanse a notar as baixas nestos primeiros envites pero o equipo segue a xerar oportunidades de gol polo que é para estar máis que tranquilos xa que os goles chegarán. O equipo feminino xogará mañá en Sada a partires das 18.30 horas fronte ó Sada F.S.


3ª Autonómica Senior Grupo IV

Atl. Sobrado 0 - San Martiño C.F. 1

A pesares da derrota, o xogo, o ímpetu e as gañas das que dispuxo o equipo de Fer fronte a un dos máximos favoritos o ascenso que conta con 3 ex-xogadores de 3ª División nas súas filas é digno de ser eloxiado pois o partido decidiuse tan so na xogada puntual de un penalti cometido por Pirulo no minuto 35 da primeira metade e que a postre sería definitivo. Calqueira resultado puido ser posible no que seguramente foi un dos mellores partidos dos marelos no que vai de tempada. Enorme o esforzo de todos e cada un dos xogadores que actuaron no encontro, traballando e correndo de xeito incansable ata que sonou o asubio final. Na segunda metade o Sobrado encerrou o seu rival na procura de goles, e o rival trataba de lanzar perigosas contras. Calqueira resultado puido ser posible nun partido dos que lle da caché a esta división e que gusta o afecciado. O resultado foi negativo pero a imaxe mostrada moi positiva e todos saimos co convencimento de que xogando así poucos partidos se nos van escapar nesta tempada. Esta semana o Atlético Sobrado xogará o domingo no campo de Cabrui (Mesía) a partires das 16.15 horas contra un C.C.D. Curtis moi renovado e que está a colleitar mellores resultados que a pasada tempada. O equipo local terá tres baixas de xogadores por sanción. A ver se o sabemos aproveitar.


Saudos

FORZA C.A.S.X.

O equipo xuvenil vota hoxe a andar na tempada 2009/2010

O equipo xuvenil que estrea adestrador (sera Pirri, un clásico do fútbol sobradés o que levará o timón da escadra marela), comeza hoxe a liga coma local a partires das 16.30 horas fronte ó xuvenil do Brexo Lema. Unha tempada a 2009/2010 que será moi curta pois so a disputan 10 equipos de ahí que aínda comece agora a tempada.
Este ano o equipo xuvenil presenta un conxunto moi renovado pois chegan moitos xogadores que soben das Escolas Infantís do C.A.S.X., seguro que ilusión e gañas non lles vai faltar.

Sorte!!!

Empate no derbi de cercanias

O Atlético Sobrado colleitou un empate a 2 goles na visita que o equipo que dirixe Fer lle rendiu o Boimorto C.F.
Nun partido clásico de derbi onde as forzas se igualan e non se sabe cal é o equipo que lle leva puntos o outro comezou destacando o colexiado, que se quixo erixir en triste protagonista expulsando os 10 minutos de encontro a Fer (o adestrador) e a José Ramón (o delegado) do Atlético Sobrado por protestarlle un clarísimo fora de xogo que o trenciña non pitou do dianteiro centro local. En ningún momento se lle faltou ó respeto o colexiado pero este expulsou a Fer e José Ramón con dobre cartón marelo a cadanseu.
Adiantaríase o noso equipo nunha boa xogada combinativa que David acertou a rematar a gol. Pichi tería o 0-2 nas botas antes de ir ó descanso pero o porteiro local Carlos, ex-xogador do noso clube na tempada pasada andivo atinado.
O cancerbeiro da "Makina Amarilla" Andrés tamén tería duas accións fundamentais nos primeiros 45 minutos evitando así o gol local.
Con 0-1 chegouse o descanso.
Na segunda metade o Sobrado non saiu metido no partido e os 63 minutos o equipo local ía empatar o encontro logo de un erro no marcaxe, o dianteiro douse a volta no punto de penalti, rematou o balón sen oposición e o esférico foise ó fondo da rede.
Chino tivo nas súas botas de adiantar de novo ó Sobrado, logo de xa ter regateado o porteiro un primeiro lanzamento pega nun defensa, o rechace volvelle a caer o xogador sobradés que volta a lanzar e desta volta o que rexeita é o cancerbeiro Carlos.
A mala fortuna ía visitar o Atlético Sobrado pois nunha contra do Boimorto levada por banda dereita surxe un centro "ténue" do seu interior cara á area e desgraciadamente o porteiro Andrés, no momento de atallar o balón esvara pasandolle o esférico por debaixo quedando o balón a pes de un dianteiro local que marca a pracer. Faltaban 12 minutos e o Boimorto adiantabase.
O C.A.S.X. votou todas as súas naves arriba e volcouse na meta local. Nunha falta recibida por Chino a uns 10 metros da área chegaría o gol do empate. Executa o centro Miguel Liboreiro de xeito maxistral o corazon da area pequena, aparece a cabeza de Pirulo que remata o fondo da rede da porteria local. Pirulo adicou o gol a sua muller Maria que esta embarazada de 4 meses facendo o xesto de acunar un bebe que fixo famoso Bebeto no Mundial 94 dos Estados Unidos.
O C.A.S.X. non se conformaba co empate e seguiu atacando para acadar a victoria... e seria de novo Pirulo o que tivo o triunfo nas suas botas: noutra falta a favor do equipo marelo tamen executada por Miguel Liboreiro logo de un rexeite o balon chegalle a media altura o central das Cruces que sen pensalo duas veces engancha un disparo coa sua perna menos boa, a esquerda, e o balon con moita forza sae fora rozando o pao longueiro local.
Non haberia tempo para mais polo que o final, taboas no derbi.
Para a vindeira xornada o Atletico Sobrado recibe a un dos equipos favoritos para ascender de categoria: o San Martiño C.F. do Concello de Cerceda. O partido tera lugar no Campo Municipal de Sobrado o domingo 25 a partires das 16.30 horas.

Derrota do equipo feminino: non tivo opcion na primeira xornada de Liga Provincial de Futbol Sala o noso equipo que viaxou a Boqueixon con moitas baixas para enfrontarse a un autentico equipazo. De todos os xeitos o resultado 5 a 0 pode levar a engaño pois o equipo de Hassan fixo ata 17 tiros a porteria pero a punteria non andivo afinada e o casilleiro quedou a 0. Sorte para o equipo feminino no seguinte compromiso pois os resultados han de chegar.

Nada mais polo de agora.

Saudos

FORZA C.A.S.X.

A escadra feminina comeza a tempada

O equipo feminino de fútbol sala que compita en Liga Provincial adestrado por José Antonio Vázquez "Hassan" comeza este sábado 17 de outubro a súa andaina na tempada 2009/2010 en Boqueixón fronte ó potente conxunto local no pavillón de O Forte a partires das 17.30 horas.

Sorte para a nova tempada.

Unha nova tempada ilusionante

O derradeiro domingo de agosto comezou a tempada 2009/2010 para o Atlético Sobrado de 3ª Autonómica. Antes de nada pedir disculpas pola tardanza na actualización. Dicir que a base do plantel segue sendo a mesma do ano pasado baixo a dirección de Fernando Torreiro "Fer". Chegan así mesmo novas fichaxes: Sete, Cuadrado, Víctor Gómez e Mario que sobe do equipo xuvenil.

Comezou mal a liga o conxunto marelo caendo por 5-0 na visita a Mesía nun partido onde o plantel viaxou sen os dous porteiros algo que influiu endemasia no resultado final.
Na segunda xornada o Atlético Sobrado gañaba o Poulo por un axustado 3-2 (é o único partido que o A.C.D. Poulo perdeu a día de hoxe). Os goleadores foron Chino en dúas ocasións e Luis (dous clásicos goleadores da Mákina Amarilla que a pesares da súa xuventude xa teñen galóns de mando no equipo).
Na terceira xornada o noso clube desplazouse a Cerceda para xogar fronte o filial branco e vermello con tan só 12 xogadores, aínda así e a pesares da dificultade de un rival que loitará polo ascenso o Atlético Sobrado arrincou un meritorio empate a 0 goles.
A cuarta xornada era comprometida por dous motivos: 1) a pesares de que se solicitara na Federación Galega de Fútbol esta data para descansar por ser as festas do pobo non foi concedida polo estamento federativo e xa se sabe que en datas festivas os xogadores rinden moi debaixo do esperado. 2) a entidade do rival: o Visantoña C.F., unha escadra diseñada para intentar o ascenso. O plantel rindeu a un gran nivel e ademáis de golear dou unha exhibición de fútbol. O resultado final: 5-2 deixa ben as claras quen foi o dominador do encontro. Os goleadores foron: Chino 2, David, Nacho e Luis. A zona ofensiva do equipo fíxose notar.
Na 5ª xornada agardaba un difícil encontro fronte a un Encrobas invicto na casa ata ese momento pero o equipo de Fer resolveu na primeira metade con goles de David e Esteban para acadar o resultado final de 0-2.
O Atlético Sobrado tivo descanso na xornada 6.
Na 7ª xornada visitaba o Municipal de Sobrado o filial do Larín un equipo que ocupa a penúltima posición da táboa. O equipo de Fer non tivo problemas para desfacerse do equipo blanco e azul e marcou todos os goles na primeira metade 3-0 os goleadores foron Luis en dúas ocasións e Miguel Liboreiro. 3 auténticos golazos, o 1º de Luis picandolle o esférico o porteiro, o 2º de Miguel Liboreiro un espectacular "reti" coa súa perna menos boa (a esquerda) xusto a escadra visitante e o 3º de novo de Luis que tivo o temple de pararse o borde da área e picarlle o balón o porteiro do Larín B acadando outro golazo.

Para a vindeira xornada o equipo marelo visita ó Boimorto C.F. o sábado 17 de outubro a partires das 19.30 horas.

Saudos

Forza C.A.S.X.