Xornada para olvidar

Non pasará a historia a xornada pasada coma unha das máis felices do Club Atlético Sobrado Xuventude. En 5 partidos disputados tan so o equipo cadete foi quen de arrincar un empate na cancha do Curtis. Estes foron os resultados:



CANTEIRA:



Benxamín: Curtis B 6 - C.A.S.X. 5

Alevín: Curtis 7 - C.A.S.X. 2

Cadete: Curtis 3 - C.A.S.X. 3



XUVENÍS:



Pastoriza 2 - C.A.S.X. 1



O equipo de Muni non puido traer nada positivo da súa visita ó Concello de Arteixo onde se mideu ó Pastoriza. O gol do equipo marelo foi marcado polo pichichi Pablo Naveira.



SENIORS:



Vizoño "B" S.D. 4 - C.A.S.X. 2



Seguramente o peor partido da tempada con moita diferencia. O equipo de Fer en ningún momento se encontrou agusto no terreo artificial e sucumbiu ante un equipo que polo visto o sábado merece estar máis arriba na clasificación polo bo trato de balón. O Vizoño B está a forxar un gran futuro con este grupo de xoves xogadores e nun período de 2 ou 3 anos algúns membros do plantel a bo seguro que contarán para o primeiro equipo.
O equipo local aproveitou os erros en defensa do equipo marelo e adiantouse no marcador o pouco de comezar o encontro algo que desquiciou o Atlético Sobrado. No minuto 36 o capitán Esteban ía empatar o encontro con un espectacular zapatazo dende uns 30 metros que entrou rozando o pao longueiro da portería local.
Pero todo se ía truncar no minuto 41 logo de que Luis vise o 2º cartón marelo por un empurrón (o primeiro cartón foi totalmente inxusto) polo que antes de chegar o descanso o noso equipo quedábase con un xogador menos.
Na segunda metade o C.A.S.X. intentou capear o ataque rival en inferioridade pero o Vizoño aproveitou outro erro da defensa para adiantarse con unha espectacular chilena do seu dianteiro Grobas.
O equipo local non se conformou co 2-1 e seguiu atacando, logo de un córner mal cuberto chegou o 3-1 que daba moi poucas esperanzas o Atlético Sobrado.
Pero o equipo de Fer ferido no seu orgullo tirou de casta e comezou a atacar o seu rival a pesares de estar con un home menos. Logo de duas boas xogadas que puideron acabar en gol, o cadete Alberto Márquez nunha xogada que comezou Esteban recibe o balón no flanco esquerdo do ataque marelo, fai un amago de centro, enganando o defensa rival que queda atrás, pon un centro preciso e precioso, e no corazón da área emerxe David para marcar un gran gol de cabeza que daba esperanzas o noso equipo. (David con este gol empata a Nacho no pichichi marelo con 8 goles).
O C.A.S.X. seguiu atacando na procura do empate e tivo 10 minutos moi bos que arrinconou o equipo local, nunha recuperación visitante en ataque, o balón chega a Esteban no pico da área que de unha excelente vaselina sérvelle o balón a Chinorris que se adentra na área para quedarse so ante o porteiro do Vizoño pero o colexiado para sorpresa xeralizada pita fora de xogo (un Offside que non era pois o noso dianteiro claramente arranca máis de medio metro por detras do defensa). Esta xogada enfadou moito a toda a expedición do noso equipo, (o sábado mermada polas baixas de Pichi, Nacho, Álvaro e Miguel Liboreiro) que viu como o colexiado coa súa decisión eliminou unha máis que clara oportunidade de acadar o empate a 3 goles.
Aínda así o C.A.S.X. proseguiu cos ataques na procura do empate, nunha falta ó borde da área a prol do Atlético Sobrado, un defensa do Vizoño propina 2 empurróns co balón parado a Esteban o capitán farto de que o xogador local levaba coa mesma actitude todo o partido cada vez que ó esférico estaba parado, cansouse, puideronlle os nervos e soltou o brazo que impacto no estómago do defensa local. O colexiado viu a acción e expulsou a Esteban pero non lle amosou cartón o defensa local.
Xa con 2 xogadores menos sobre o céspede chegou a sentencia do Vizoño B noutra contra na que Grobas volveu a bater a Andrés.
Con ese resultado chegouse o final do encontro onde os xogadores de Fer amosaron 2 caras. Na primeira metade moi mala e na segunda mellorouse ostensiblemente. Os erros defensivos e os nervos condenaron o equipo, de estes erros deberemos tomar nota para vindeiros partidos.

Saudos

FORZA C.A.S.X.