Unha semana máis e xa van... toca volver a caer nos tópicos a hora de resumir o partido: "mala sorte", as lesións estannos a lastrar máis que ningún ano desde que nos federamos, negados cos tiros os paos, erro que temos é gol, para marcar unha temos que facer 15 claras...
Parece a trama de unha película de terror pero é o que hai e entre todos, daremoslle a volta a todo isto. Non se pode ter tan mala sorte (e non falo só por onte) senón o que ven acontecendo nos ultimos 2 meses de competición. Onte con 0-0 Chino estrelou un tiro de falta na cruceta e outro o pao co porteiro totalmente batido. O propio Chino nunha magnífica xogada persoal logo de irse de 3 rivais encarou o porteiro visitante, o tiro tocao un pouco o porteiro pero sobrepasao polo medio das pernas e cando o esférico xa ía entrar apareceu un central na liña de gol para evitalo.
Non houbo noticias do Brexo Lema B na área sobradesa ata o minuto 21, a primeira vez que chegaron nunha contra, nunha mala decisión da defensa foi gol.
O 0-2 chegaría da maneira que máis doe, sen merecelo, nunha falta moi lonxana, o lanzamento aparentemente fácil para Cuadrado dóblalle a man e o esférico remata no fondo da rede.
Antes do descanso Pablo Naveira tivo un claro man a man co porteiro visitante pero o seu disparo foi "ó boneco".
Na segunda metade o Atl. Sobrado saiu na procura de reducir o inxusto marcador pero seguiuse batendo de fronte coa mala sorte que acompaña ó equipo nesta tempada (por xogo e ocasións non é). Miguel Combo tivo unha ocasión clarísima pero o esférico saiu bicando o pao e Diego Fragío tivo unha boa oportunidade nun lanzamento raso que lle saiu bastante centrado e atallou o gardaredes.
A ocasión máis clara do Brexo Lema B sería un lanzamento o longueiro da portería que na segunda metade defendeu Samu.
Por último destacar tamén como nota negativa a lesión de Maikel que fixo que o Atl. Sobrado tivera que xogar os últimos minutos con 10 homes. Agardaremos para saber o resultado das probas que lle farán no Hospital Santa Teresa de A Coruña.
Para a semana o conxunto marelo visita ó filial do Vizoño SD na tarde do domingo a partires das 17.00 horas.
ONCE INICIAL: Cuadrado, Mario Novo, Pirulo, Javi Sánchez, Anxo, Iago, Nacho, Fran Miraz, Pablo Naveira, Chino, Maikel.
SUPLENTES: Miguel Combo, Samu, Diego Fragío.
LESIONADOS: Esteban, Mario Varela, Jacobo Penas, Alberto.
OUTROS MOTIVOS: Iván Cabado, Pichi, Dami, Antonio, Lofre.
XUVENÍS: Atl. Sobrado 4 - S.D. Hércules 1Excelente partido dos homes de Chino nunha segunda metade colosal onde o Sobrado afrontou o encontro con tan só 11 xogadores e que comezou perdendo. Na segunda metade o adestrador sobradés xogouse o todo polo todo poñendo defensa de 3 e non so conseguiu remontar o encontro senón que goleou o seu rival.
Os goleadores foron:
Alejandro (2), Sergio e Marcos Combo.
A xornada para as categorías de fútbol do Club Atlético Sobrado Xuventude comeza, como é habitual, na tarde do sábado para a categoría xuvenil que se desplazarán ata o Dani Mallo de Cambre para enfrontarse a partires das 18.30h o Sporting Cambre B. O encontro será dirixido polo sr. Roberto Campos Candal.
