Senior: máis preto da cabeza

Formación antes do partido: Atlético Sobrado - A.D. Vilamaior (de esquerda a dereita e de arriba a abaixo): Fer (adestrador), Juan, Andrés, David, Esteban (c), Luis, Chino, Piru, Sete, Alex, Mario, Petete (utillero), Nacho, Cuadrado, Miguel Liboreiro, Pichi, Víctor Gómez, Iago, Roy.

O C.A.S.X. sumou 3 valiosos puntos ó pasado domingo fronte ó A.D. Vilamaior. O resultado de 3-2 semella curto logo de ver as ocasións de uns e outros. O partido axiña se lle puxo favorable ó equipo marelo logo de que no minuto 2 o porteiro visitante cometera un infantil penalti sobre David, un porteiro que non foi expulsado nunha xogada onde era claro meredor de irse as duchas por era ocasión manifesta de gol pero o trencilla da contenda decidiu deixar a acción en cartón marelo. O penalti lanzaríao o propio David pero a mala fortuna quixo que o esférico pegase no pao e saise fora polo que o empate proseguía no marcador.

O propio David desquitaríase do erro anterior no minuto 19, logo de un maxistral córner executado por Luis, David de soberbio testarazo marcando moi ben os tempos de remate facía o primeiro gol nunha fría tarde que poñía xustiza o que se estaba a ver sobre a herba do Municipal de Sobrado, con un C.A.S.X buscando o gol e o bo xogo e un Vilamaior que xogaba a conter e intentar impuñer o seu físico.


Logo de este gol o C.A.S.X tería varios oportunidades máis para golear pero o esférico negabase a entrar. Sería Chino aproveitando un infantil erro da defensa visitante o que poñería terra de por medio no marcador nun man a man co porteiro que solventou con moita serenidade. Na primeira metade a ocasión máis peligrosa do Vilamaior sería un lanzamento do seu centrocampista Manuel o pao da portería defendida por Andrés.

Na segunda metade o C.A.S.X proseguiu co seu dominio e creando ocasións de gol pero sen quitar os frutos desexados. Nacho primeiro e David despois (o seu espectacular remate impactou de xeito brusco co longueiro) tiveron as ocasións máis claras.

Sería David o encargado de facer o 3-0 logo de un gran disparo a portería, o partido parecía sentenciado. Quizais non lle sentou ben o equipo marelo ter tanta vantaxe pois relaxouse demasiado e perdeuse colocación e tensión defensiva.

O colexiado perdoou a segunda expulsión da tarde para o Vilamaior logo de que Luis lanzase un veloz contrataque e logo de chegar o último defensa, o lateral Lupe e sobrepasalo este olvídase do balón e derriba a Luis. A tarxeta era de clara cor vermella, incluso coa marela chegaría para que o bo lateral ordés se fose a ducha antes de tempo pois facía uns minutos que xa acumulaba outro cartón pero o colexiado non quixo ver nada máis que a falta e o Vilamaior continuou con 11 xogadores sobre o terreo de xogo. Precisamente sería Lupe quen acurtaría distancias para o Vilamaior no minuto 89 con un soberbio lanzamento dende fora da área que se colou pola escadra da portería defendida por Andrés.
O Vilamaior creeu nas súas posibilidades e logo de un erro defensivo, Figo faría o 3-2 no minuto 93.
Non daría para moito máis o partido e chegouse ó final do encontro con victoria local (xa suma 6), que segue ocapando o 7º posto na clasificación, con un partido menos ca maioría de rivais que van por riba pero que debido os resultados que se deron no resto de encontros permitelle reducir distancias.

No seguinte enlace pódese ver os resultados e a clasificación:

http://www.elcorreogallego.es/deportes/clasificaciones-deportivas/futbol-aficionado/ecg/grupo-4/idCategoria-32/?idResultadoDeportivo=9171

Grupo de afeccioados marelos na primeira parte do partido nunha fría e oscura tarde.