O temporal de neve que afectou a gran parte de Galicia esta fin de semana fixo que as dúas categorías do Club Atlético Sobrado Xuventude que tiñan enfrontamentos nesta fin de semana non puideran disputar os seus encontros.O sábado o equipo xuvenil debíase desplazar a Brexo Lema (Cambre) pero visto o estado da estrada cuberta con xeo e neve tomouse a decisión de non viaxar dado o serío risco de accidente que se corría. A Federación Galega de Fútbol, o Colexio de Árbitros e o equipo rival foi avisado desta causa acordando volver a falar para poñerlle unha data ó partido.
O domingo o equipo senior xogaba coma local fronte ó Queixas pero ó chegar o Municipal Sobradés observamos que as dúas áreas non presentaban o mellor estado para a práctica do fútbol así coma a zona central do campo pois ambas zonas estaban cubertas de neve e habendo un serio risco de lesións. Logo de deliberar decidiuse non xogar... e menos mal pois 20 minutos logo da suspensión do encontro comezou a nevar sobre Sobrado copiosamente, algo que durou ó redor de 3 horas deixando un importante manto blanco sobre a capital sobradesa.
O partido fronte ó Queixas tampouco ten data ata o de agora, en vindeiros días informaremos sobre este particular.
Ningún comentario:
Publicar un comentario