Xornada pouco productiva

A fin de semana saldouse con dúas derrotas nos dous únicos partidos que disputaban as categorías do Club Atlético Sobrado Xuventude. Na tarde do sábado o equipo xuvenil saiu goleado (4-1) da súa visita a Abellá. O gol da honra dos homes de Pirri marcouno Jorge que se sitúa con 3 tantos no cadro de honor dos goleadores xuvenís.
A cousa o domingo tampouco foi mellor e o equipo senior caeu derrotado pola mínima (1-0) na súa visita ó Poulo que debido ó mal estado do seu terreo de xogo cambiou o lugar do partido para o campo artificial de Vista Alegre en Ordes. O gol chegou na segunda metade nun partido apático dos homes de Fer e onde houbo que salientar outra mala nova: as lesións de Chino e Mario na primeira metade do encontro polo que tiveron que ser sustituidos. Chino sofre un forte esguince de nocello polo que será baixa mínimo dúas semanas, pola súa parte Mario ten un forte golpe na súa perna e será dúbida para o partido do domingo ata última hora.

Saúdos e ánimo os lesionados.