Chino
Ángel Espido "Chino" erixiuse no protagonista do encontro na primeira xornada ligueira da tempada 2010/2011 que tivo comezo este domingo no Municipal de Sobrado.Un Atlético Sobrado plagado de baixas no primeiro equipo tivo que surtirse de ata 7 xogadores do equipo xuvenil para poder ter unha convocatoria de 14 xogadores. Esteban, Pichi, Mario, Luis, David, Iván Cabado, Antonio, Diego Amil, Javi Sánchez e Damián non puideron ser da partida por diversos motivos. Na meirande parte dos casos están lesionados, destacar a Mario que se encontra hospitalizado dende a madrugada do pasado sábado con posible apendicite. Desde o Club Atlético Sobrado Xuventude desexamosche a máis pronta das recuperacións.
A pesares da súa xuventude o C.A.S.X. comezou mellor que o seu rival o encontro, con posesión de balón e a velocidade en ataque que aportan Alberto Márquez "Geme" e o "retornado" Pablo Naveira, precisamente este último xogador sería quen tería a primeira gran oportunidade no minuto 9 do encontro logo de irse por velocidade dos dous centrais visitantes o seu lanzamento dende fora da área sería rexeitado a queimarroupa polo porteiro do equipo de Frades.
No minuto 12 chegaría unha xogada de infortunio para o noso equipo, nun balón aparentemente fácil para o cancerbeiro local Cuadrado, éste non atina a despexar ante a presión de un dianteiro visitante, que lle rouba o esférico e lanza a portería vacía o balón pega no pao dereito da portería, para ir ó esquerdo e finalmente entrar chorando. Chegaba pois un inxusto 0-1.
Pero axiña lle ía igualar a contenda: Chino recolle un balón botando a uns 5 metros da área, pégalle coa alma, o remate bota xusto diante do porteiro e bica a rede logo de pasarlle polo medio das pernas. Facíase xustiza o visto no Municipal sobradés ata o de aquela.
A posesión seguía sendo do Sobrado e o Abellá aproveitaba veloces contras para crear perigo, na primeira metede tivo un par de boas oportunidades para adiantarse pero os seus remates non estiveron atinados.
Formación do Atlético Sobrado na primeira xornada ligueiraPero a primeira parte tería "chicha" en forma de polémica, nun remate local o esférico rebasa claramente a liña de gol mais o colexiado que estaba tapado por un xogador non puido ver que ese lanzamento era o 2-2 polo que non o concedeu.
Miguel Combo nun lanzamento de uns 25 metros rozou o empate antes de ir ó tempo de lecer, o xogador xuvenil lanzou un espectacular traiazo que ía directo á escadra visitante pero o porteiro do Abellá voou para facer un paradón imposible cando a grada xa cantaba o gol. Parabéns.
Ángel Espido "Chino" presionado por un rival
Na segunda metade o Abellá saiu con unha premisa desde o primeiro minuto, perder o maior tempo posible e intentar acobardar o xove equipo sobradés con patadas bruscas e a destempo. Conseguiuno nos primeiros 15 minutos da reanudación pois cada saque de banda tornabase nun tempo inacabable. Pero as tornas viraron e logo de un córner a favor do equipo local un defensa do Abellá intercepta o esférico dentro da área coa man e o colexiado decretou penalti a favor dos locais. Chino sería o executor e acadaría o seu segundo gol da tarde. A partires de esta xogada parte do equipo visitante comezou a ser víctima dos nervos, entrando en descalificacións para o colexiado (que a pesares da chamarlle "ladrón e fillo de puta" non expulsou a ningún integrante do equipo rival), e tamén con críticas os xogadores locais, con comentarios coma que "so aspiraban a un empate" (quizais non estaban a ver como estaba a trascorrer o partido, quizais non se acordaban do gol que o colexiado non dou por válido a prol do CASX na primeira metade, ou ben non querían ver as patadas que estaban a repartir ós nosos xogadores, os que por riba os acusaban de perder tempo, nalgunhas de estas fotos podedes ver a dureza coa que se empregou o equipo visitante, que ten moito máis fútbol e calidade para ofrecer que xogar de este xeito).O esperpento chegou no minuto 75 de encontro cando o capitán visitante xa cambiado quixo levarse os balóns do banquiño local logo de acusar o banquiño do CASX de retardar o ingreso de balóns no campo, o seu adestrador explicoulle que eso non se podía facer..., foi quizais unha das imaxes máis curiosas que se viron no Municipal sobradés nos últimos anos.
Diego Fragío sufriu un forte plantillazo O Abellá intentou estirar liñas na procura da victoria mentres o Atlético Sobrado intentaba aproveitar a velocidade da súa dupla atacante para marcar un terceiro gol que lle dese a victoria pero non foi posible e o encontro chegou o seu remate.
Brutal entrada a Pablo Naveira que foi un dos "blancos" preferidos do equipo visitante
O Atlético Sobrado debe sacar unha lectura positiva deste partido (a pesares das numerosas e importantes baixas e de ir por duas veces por debaixo no marcador foi quen de superar as adversidades e dar a cara ante un dos favoritos ó ascenso de categoría) e tamén se debe ver a lectura negativa (portería e defensa deben estar máis conxuntados para non ter os típicos erros de entendemento de principio de tempada).
Para o primeiro partido de liga o míster Fer Torreiro dispuxo este once:
Porteiro: Cuadrado
Lat. Dereito: Iago
Lat. Esquerdo: Diego Fragío
Centrais: Pirulo e Miguel Combo
Medios Centros: Juan e Chino
Interior Esquerdo: Isma
Interior Dereito: Nacho
Dianteiros: Alberto Márquez e Pablo Naveira
Para Cambios: Samuel (PS), Cristian Quintela e Porto.
Para a vindeira xornada o Atlético Sobrado visita o sábado 11 a partires das 17.30 ó C.F. Toques nun apaixoante derbi comarcal.
Ningún comentario:
Publicar un comentario