Encrobas 3 - Atl. Sobrado 2

Non está a ter fortuna o conxunto marelo neste inicio de 2012. Nas xogadas puntuais onde se están a decidir os encontros parece como se ó equipo de Hassan o mirase un torto. O sábado perdeu 3-2 fronte ó Encrobas un partido no que os goles locais foron do seguinte xeito: 2 goles desde medio campo e o 3-2 definitivo gol en propio porta de Pirulo preto do final do encontro. Fronte tales infortunios non hai máis explicación que buscarlle solo pensar que a sorte cedo ou tarde trocará pois logo de analizar como se produxeron as dúas últimas derrotas máis parece un mal soño que a verdadeira realidade. Os goles marelos foron marcados por Jacobo Penas e Maikel.

XUVENÍS: Curtis 5 - Atl. Sobrado 0

O Curtis, un dos favoritos para acadar o ascenso tirou de potencial e impúxose sen problemas ó cadro marelo que visitaba o Campo Novo do citado pobo.