O Atlético Sobrado visita a un dos máximos favoritos ó ascenso de categoría, o Cire Melide C.F. O conxunto melidense ven de descender da Segunda Autonómica na tempada pasada e logo de 7 xornadas de liga disputadas é o único equipo que se manten invicto.
O Cire Melide ten 5 victorias e 2 empates, un deles en terreo propio fronte o Tambre C.F. e o outro a semana pasada en Frades fronte o Abellá B.
O conxunto azul destaca pola súa solidez defensiva pois é o equipo que menos goles encaixa (3), ó seu favor leva un total de 16 goles sumando 17 puntos e situado na 2ª posición da táboa clasificatoria, tan so 1 punto por debaixo do líder SD Pontecarreira.
O Atlético Sobrado chega a este partido avalado polas 3 últimas victorias de xeito consecutivo e por estar clasificado 4º a tan so 3 puntos do seu rival do domingo.
O equipo marelo é por detrás do Cire Melide o segundo equipo que menos goles encaixa con un total de 5. O seu favor ten os mesmos goles que o equipo melidense (16).
A tarxeta de visita do C.A.S.X. son 4 victorias (Vilamaior, Poulo, Mesía e Mesón do Bento), 2 empates (Vizoño B e Bribes) e 1 derrota (Abellá B).
No equipo de Hassan é baixa segura Miguel Combo por motivos persoais.
Ningún comentario:
Publicar un comentario