xoves, 7 de xaneiro de 2010

Coa vista atrás

Rematou de mal xeito o ano 2009 para o Club Atlético Sobrado Xuventude colleitando 3 derrotas en outros tantos partidos disputados todos eles o último sábado de competición do ano.
O equipo senior caeu goleado 0-5 no seu encontro fronte a SD Pontecarreira. Nun partido "raro" e no que se chegou ó descanso con empate a 0 goles o equipo de Fer desfondouse na segunda metade e sufriu un duro varapao en forma de goles.
Pola súa banda o equipo xuvenil tampouco puido traer nada positivo de Vizoño e caeu 4-1 condicionado pola expulsión de Iván Cabado na primeira metade. O gol da honra dos marelos marcouno Jorge Fernández de un sensacional traiazo.
O equipo feminino caeu no Pavillón Municipal de Sobrado fronte A Salina "B" por 0 goles a 3. As nosas xogadoras non estiveron atinadas de cara a portería e de ahí o resultado final.

Confiemos en que o novo ano nos traiga ilusións renovadas e bos resultados.

Ningún comentario: