Amanecía o día en Sobrado con copiosa choiva traida pola primeira "cicloxénese explosiva" da tempada invernal que fixo que sobre a capital sobradesa caésen máis de 60 litros de auga por metro cadrado.
Era unha incógnita o estado (xa de por sí irregular) do céspede do Municipal de Sobrado. Ó mediodía directivos do noso equipo desplazáronse para ver como se encontraba o terreo de xogo e detectaron que presentaba numerosos charcos nas áreas e na banda máis próxima á grada de espectadores.
Afortunadamente a drenaxe do Municipal vai ás mil maravillas e en cuestión de un par de horas expulsou gran cantidade da auga apozada que tiña.
Logo de unha breve inspección a cargo do colexiado e representantes dos dous conxuntos decidiuse que o terreo de xogo era apto para a disputa do encontro.
Ambos equipos presentaban baixas significativas: no cadro visitante o seu máximo goleador Jacobo e tamén Óscar eran baixas por sanción. O noso plantel tampouco podía contar co máximo artilleiro Naveira por motivos persoais, o igual que tampouco puido xogar o capitán Esteban lesionado. Ademáis foron baixa: Pedro, Jorge e Javi tamén por motivos persoais.
A primeira ocasión do encontro tería o que a postre sería o único goleador do partido, Fran, nun gran remate onde o porteiro do Sporting Bribes obsequiou ó respetable con unha grandísima parada a man cambiada.
Chino estivo a piques de abrir a lata nun excelente lanzamento de falta raso pegado o pao que o cancerbeiro visitante desbaratou.
Volveríao a intentar o C.A.S.X. nun lanzamento desde fora da área de Mario Varela que se foi alto por pouco.
Jaco tería o gol nas súas botas nunha boa internada por banda dereita que un defensa visitante despexou inextremis a córner cando xa se cantaba o primeiro gol no municipal.
Por parte do Bribes o perigo chegaba a balón parado en faltas e córners. O lanzamento máis perigoso foi un tiro lonxano de libre directo do xogador número 4 que se foi preto da portería de David con unha potencia increible.
Así se chegou o descanso co marcador inicial de empate a 0 goles.
Seguiríao intentando o Atlético Sobrado noutro lanzamento de Mario Varela que andivo de novo rozando o gol.
A xogada clave chegaría no minuto 65 nunha contra visitante, o dianteiro viola, en loita con Maikel cae dentro da área e o colexiado decreta penalti e cartón para ó noso defensa.
Ahí surxiu a figura de Samu, porteiro suplente, que rápidamente apurou a ir detrás da portería na que se ía lanzar o penalti e decirlle a David por onde ía tirar o xogador visitante a pena máxima. A alongada sombra de San David erixiuse en protagonista do encontro nunha boa estirada na que rexeitou o esférico e finalmente a defensa marela desviou o balón a córner.
Esta acción tivo un antes e un despois no encontro, o C.A.S.X. ferido no orgullo comezou a levar máis perigo, con un Chino que na segunda metade se votou o equipo a espalda e se encargou de levar o peso do xogo marelo dando, a pesares do estado do terreo de xogo, unha exhibición de como se xoga ó fútbol.
Precisamente nun bo pase interior de Chino, Dami arranca man a man co porteiro visitante que sal a desesperada fora da área, Dami regatea ó cancerbeiro e éste comete unha clamorosa falta cando o habilidoso punta sobradés xa se dirixía so cara a portería. O colexiado decretou a falta pero increiblemente so amosou cartón marelo para estupor da xente que no Municipal de Sobrado se congregaba. O regulamento dio moi claro: ocasión manifesta de gol, último home, é cartón vermello directo.
Seguiu o C.A.S.X. insistindo en ataque e encontraría o premio no minuto 85 nun balón morto que Fran se encargou por fin de mandar ó fondo da rede nun sutil golpeo de balón. Era un gol que se podía considerar case que definitivo, xa se falara no descanso que o marcara gañaba e así foi. O Bribes tivo unha última ocasión nun lanzamento escorado dentro da área do seu dianteiro que David abortou unha vez máis.
Así o colexiado decretou o final do encontro coa victoria número 12 do cadro de Hassan no campionato ligueiro. A Máquina Amarilla suma xa 16 xornadas consecutivas sen coñecer a derrota.
Esta victoria chega acompañada de boas novas: serve para gañarlle o golaverage particular ó Sp. Bribes distanciando en 11 puntos máis a diferencia de goles o equipo de Cambre. Ademáis onte o 2º clasificado Cire Melide empatou en Carral polo tanto a diferencia cos de Melide sube ata os 6 puntos. Pero non acabaron ahí as boas novas, o 3º clasificado, o Mesía empatou inextremis onte en Toques polo que a distancia co equipo branco e azul vaise ata os 8 puntos.
Para a semana o equipo de Sobrado visita o Campo de A Senra do ACD Poulo. Ó longo da semana iremos analizando ó próximo choque.
Un saúdo
FORZA C.A.S.X.
Ningún comentario:
Publicar un comentario