mércores, 2 de decembro de 2009

Xuvenil: Derrota con bo sabor de boca

Hai derrotas e derrotas, e a que colleitou no equipo xuvenil na tarde do sábado honra ó plantel e o corpo técnico. O equipo xuvenil do Atlético Sobrado visitaba a casa do "megafavorito" para ascender de categoría, o C.C.D. Curtis, e o resultado final foi de 5-3 a favor dos locais. De todos modos o partido chegou a ir 3-3 e os pupilos de Ángel Parga "Pirri" van mellorando conforme avanza a competición ligueira. Seguro que axiña han de comezar a chegar os puntos que tanto ansía o xove plantel, plagado de xogadores que participan federados por primeira vez en competición de fútbol, pois a gran maioría proveñen do fútbol sala.
Os goleadores foron Miguel Combo en dúas ocasións e David Vidal en lanzamento de falta.

Ningún comentario: