Vaia por diante que co que vou narrar a continuación non quero que sirva de excusa para a goleada que o noso equipo sufriu o domingo no campo de O Vedral pero hai cousas que non podo nin debo pasar por alto, xa non so polo ben do noso clube senón do resto de clubes que sufran este tipo de atropellos.O caso é que esta fin de semana tocounos en sorte para dirixir o encontro un xove árbitro que responde ó nome de Brais. O energúmeno en cuestión non sabe o reglamento, ou se o sabe non o quere aplicar polo tanto aínda é máis grave a cuestión. Igual alguén lle ten que explicar a este "chavalín" que se quere cobrar debe facer ben (ou polo menos intentalo) o seu traballo e non intentar vacilar á xente que fin de semana sí e fin de semana tamén lle paga relixiosamente por "dirixir" os encontros. O que non é de recibo é que encima se queira facer o listo máis que nada porque igual o día que menos o espere vaise levar algo a cambio que non será nada bo para él...
Empezo: minuto 1 de encontro, Iván Cabado sufre un penalti clarísimo dentro da área que se oe no noso propio banquiño, quédanse parados os xogadores dos dous equipos pensando que evidentemente decreta penalti, o infractor en cuestión pídelle perdón a Iván pero sorpresivamente o colexiado logo de un momento de dúbida manda seguir.
Minuto 15 de encontro, excelente internada de Dami que se vai de todos os que lle saen ó paso, entra dentro da área e sufre unha forte entrada noutro claro penalti, Dami non chega a caer e sae trastabillado perdendo finalmente o balón, o colexiado asubía pena máxima con un leve soplido pero logo rectifica e manda seguir...
Máis tarde Pablo Naveira arranca en clara posición correcta para encarar o porteiro pero "Brais" quítase da manga un fora de xogo a todas luces inexistente.
Minuto 23 o Abellá adiántase no marcador nun dos foras de xogo máis escandalosos da historia do fútbol (arredor de uns 5 metros..., que se di pronto).
No segundo gol do Abellá a posición do dianteiro é máis que dubidosa rozando o fora de xogo pero non sabemos se o é ou non.
Nunha xogada de ataque marelo Chino cando vai disparar sufre unha falta de escándalo, o tiro sae desviado e o noso xogador retórcese de dolor pola dura entrada, o colexiado espera a que se recupere e cando Chino se incorpora amósalle cartón marelo "por simular a falta".
Con 3-0 chegamos ó descanso. Evidentemente con está actitude totalmente denigrante de este amago de aprendiz de árbitro non se pode facer outra cousa que desexar que acabe o encontro, que non se lastime ninguén e que non expulsen a moita xente xa que o normal é que te enfades cando se están a rir de ti na túa propia cara.
Esta claro que o colexiado tiña que ser penoso , porque Hassan viu o seu primeiro cartón marelo da tempada e quen coñecemos a míster de toda a vida sabemos que xamáis protesta nada (e iso que coa experiencia que ten nos banquiños xa viu de todo...).
O gol marelo marcaríao Nacho a saida de un córner na segunda metade. Esta parte foi de desgana total por parte do noso equipo xa que verse superado así no encontro e cos motivos que o precederon danlle ganas a calquera de ir para a ducha, que pite o final este sinvergonza de turno e non volverlle a ver a cara no que resta de vida.
Estou desexando que chegue o día no que os comités os que tanto gusta sancionar ós xogadores (as veces incluso con mentiras do colexiado a hora de escribir as actas), manden tamén informadores a cada campo e levanten acta dos "espectáculos verbeneiros" que se monta algún (afortunadamente os menos) colexiado.
Por último para que vexades a ineptitude de este lamentable arbitrucho decir que na acta so puxo a expulsión de Iván Cabado por agresión na primeira metade e os cartóns do Abellá, non reflexou os cartóns marelos que vimos: Chino, Nacho, Naveira, Pichi... (remordementos de conciencia quizais???)
Ogallá non che vexamos máis a cara, e se é así, ven con outra actitude... será mellor...
Xuvenís: Bergantiños B 4 - Atl.Sobrado 0
Ningún comentario:
Publicar un comentario